ದೇವರು ಮತ್ತು ನಾನು (ದೇವರ ಜೊತೆ ನಡೆದ ಸಂಭಾಷಣೆ)

ದೇವರು : ನಿಂಗೊಂದ್ ಕೆಲಸ ಕೊಡ್ತೀನಿ ಮಾಡ್ತಿಯ
ನಾನು  : ಆಯಿತು ಮಾಡ್ತೀನಿ
ದೇವರು : ಒಂದ್ ಷರತ್ತು
ನಾನು : ಹೇಳಿ
ದೇವರು : ನನ್ನ ಹತ್ತಿರ ಪ್ರೀತಿ ಇದೆ ಅದನ್ನ ನಿನಗೆ ಕೊಡುತ್ತೇನೆ ನೀನು ಎಲ್ಲರಿಗೂ ಹಂಚಬೇಕು ಯಾರಿಗೆ ಎಂದು ನೋಡಬಾರದು
ನಾನು : ಹಾಗೆ ಮಾಡಿದೆ
ಒಂದು ಸರಿ ಕುತೂಹಲಕ್ಕೆ ನಾನು ಯಾರ್ ಯಾರಿಗೆ ಪ್ರೀತಿ ಹಂಚಿದೆ ಅಂತ ನೋಡಿದೆ ತುಂಬಾ ನೋವಾಯಿತು ಕಣ್ಣಲ್ಲಿ ನಿರ್ ಬಂತು
ದೇವರು :ಯಾಕ ಅಳ್ತಾ ಇದ್ದೀಯ ಅಂತ ಕೇಳದ
ನಾನು : ನಾನು ಪ್ರೀತಿನ ಮೋಸಗಾರರಿಗೆ ವಂಚಕರಿಗೆ ಕೆಟ್ಟವರಿಗೂ ಹುಂಚಿದ್ದೆನೆ
ದೇವರು :ಅವರು ಅಂತವರು ಅಂತ ಹೇಗೆ ತಿಳಿಯಿತು
ನಾನು : ಮೌನ
ದೇವರು : ಪ್ರೀತಿ ನನ್ನದು ಅದನ್ನು ನಿನ್ನದು ಅಂತ ಹಂಚಿದೆ ಅದರಲ್ಲಿ ಮತ್ತು ಅವರಲ್ಲಿ ನೀನು  ನಿರೀಕ್ಷೆ ಹಾಗು ಅಪೇಕ್ಷೆ ಇಟ್ಟಿದ್ದರಿಂದ ತಾನೆ ನಿನಗೆ ಅವರು ಎಂತವರು ಅಂತ ಗೊತ್ತಾಗಿದ್ದು ನೀನು ನಿರೀಕ್ಷೆ ಇಲ್ಲದೆ ಹಂಚಿದ್ದರೆ ನಿನಗೆ ನೋವಾಗುತಿರಲಿಲ್ಲ ಅಲ್ಲವೇ
ನಾನು : ಹೌದು
ದೇವರು : ನಿನ್ನನು ಕೆಲಸ ದಿಂದ ತಗೆಯುತ್ತಿದ್ದೇನೆ
ನಾನು :ಕಾರಣ
ದೇವರು : ನನ್ನ ಪ್ರಿತಿಯನ್ನ ನಿನ್ನದು ಅಂತ ತಿಳಿದದ್ದು ನಿನ್ನ ತಪ್ಪು , ನಿನ್ನೊಳಗೆ ನಾನು ನನ್ನದು ಎಂಬ ಅಹಂಕಾರ ಮನೆ ಮಾಡಿತು ನಿರೀಕ್ಷೆ ಹುಟ್ಟಿತು ದುಕ್ಕ ಬಂದು ಸೇರಿತು,
ಪ್ರೀತಿ ಹಂಚಲು ನಿನ್ನನು ಹೇಗೆ ನೆಮಿಸಿದ್ದೇನೋ ಹಾಗೆ ನಿನ್ನಲ್ಲಿ ಪ್ರೀತಿ ಪಡೆಯಲು ಅವರನ್ನು ನೆಮಿಸಿದ್ದವನು ನಾನೆ ಅವರ ಕೆಲಸ ಅವರು ಮಾಡಿದರು ನಿನ್ನ ಕೆಲಸವನ್ನ ನೀನು ಮಾಡಲಿಲ್ಲ
ನಾನು : ಮುಂದೆ ಪ್ರೀತಿ ಹಂಚಲು ಸಾದ್ಯ ವಿಲ್ಲವೇ ನನಗೆ
ದೇವರು : ನಿನ್ನ ಪ್ರೀತಿಯನ್ನು ನಿನ್ನ ಬಳಿಯೇ ಇಟ್ಟಿದೇನೆ ಯಾರಿಗಾದರೂ ಹಂಚು ಯಾರಿಗೆ ಹಂಚ ಬೇಕು ಹೇಗೆ ಹಂಚ ಬೇಕು ನಿನಗೆ ಬಿಟ್ಟಿದ್ದು .....
ನನ್ನ ಪ್ರೀತಿ ನನ್ನ ಬಳಿಯೇ ಇದೆ ಹಂಚಲು ಭಯ ಕಾಡಿದೆ ಕಾರಣ ಎಲ್ಲಿ ಮೋಸ ಹೋಗುವೇನೋ ಎಂದು .......

ಹೊಸ ವರ್ಷದ ಶುಭಾಶಯಗಳು

 

ಒಂದಾಗುವ

ಭೂಮಿ ದುಂಡಗಿದೆ
ಮತ್ತೆ,
ಬೇಟಿಯಾಗುವ.....?
ಕಡೆಗೆ,
ಪಕ್ಕದ ಗೋರಿಯಲ್ಲಿ.......!
ಇಲ್ಲಾ,
ಒಂದಾಗುವ....ಬೂದಿಯಾಗಿ.....
ಪಶ್ಚಿಮ ವಾಹಿನಿಯ
ಕಾವೇರಿ ಮಡಿಲಿನಲ್ಲಿ .......

ನೀನು ಬೂದಿಯಾಗಿ ...

ನಾನು ಮಣ್ಣಾಗಿ ......

ಅಥವಾ!?

ನೀನು ಮಣ್ಣಾಗಿ ..........

ನಾನು ಬೂದಿಯಾಗಿ .....

ಪಂಚ ಬೂತ ಗಳಲ್ಲಿ ಲೀನವಾಗುವ.!

ಮತ್ತೆ ಬೇಟಿಯಾಗುವ ?

ಇನ್ನೆಲ್ಲೋ ?
ಇನ್ನ್ಯಾವ ರೂಪದಲ್ಲೋ ?
ಮತ್ತೆ ,
ಸೇರುವ ಭರವಸೆ ಯೊಂದಿಗೆ....?
ಇಂತಿ,
ನಿನ್ನ ಪ್ರೀತಿಯ
                  -ಜೆ

ನೀನು-ನಾನು

ಕಣ್ಣಿಗೆ ಚುಚ್ಚಿದ ಕಸದಂತೆ ನೀನು.
ನಗಲಾರೆ ಅಳಲಾರೆ,
ಸುಮ್ಮನೆ ನಗಬೇಕು.
ಮೌನವಾಗಿ ಅಳಬೇಕು.
ನಿನ್ನ ನೆನೆಯುವುದಿಲ್ಲ,
ಆದರೂ ಮರೆತಿಲ್ಲ.
ಸಿಕ್ಕರೂ ನೀನು,
ಹುಡುಕುವುದಿಲ್ಲ ನಾನು.

ತಿಳಿದ ಸತ್ಯ

ಕೊಳೆತ ಬೀಜವ ಯಾರು ಬಿತ್ತುವುದಿಲ್ಲ
ಅತ್ತದ ಕೂಳಿಗೆ ನೀರ ನೆರೆಯುವುದಿಲ್ಲ
ಸಂಪಾದನೆ ಇಲ್ಲದೆ ಸಾಲ ಹುಟ್ಟುವುದಿಲ್ಲ
ಸುಖ ವಿಲ್ಲದೆಡೆ ಯಾರು ಸೇರುವುದಿಲ್ಲ
ನಿನ್ನೊಳಗಿನ ಮುಗ್ಧತೆ ಹೊಟ್ಟೆ ತುಂಬಿಸುವುದಿಲ್ಲ
ನಿನ್ನಲಿ ಏನು ಇಲ್ಲದಿದ್ದರೆ ಜನ ಬರಿ ಮಾತನಾಡಿಸುವುದು ಇಲ್ಲಾ
ನೀನು ಸತ್ತಾಗ ಪಿಂಡ ಇಡುವುದಿಲ್ಲ
ಇಟ್ಟರು ಸಹ
ಆಗ ಕಾಗೆ ಗಳು ಬರುವುದಿಲ್ಲ...........

ನದಿ

ಕಾಣದ ಕಡಲಿನ ಒಡಲನು ಸೇರಲು
ನದಿಯು ಹರಿದಿದೆ ,
ಸೇರಲು ತೀರವ ದಾರಿಯ ಕಾಣದೆ
ಸುಮ್ಮನೆ ಹರಿದಿದೆ ,
ಕಾಣದ ಕಡಲನು ಸೇರುವ ತವಕದಿ
ದುಮ್ಮಿಕ್ಕಿ ಹರಿದಿದೆ ,
ಜುಳು ಜುಳು ನಾದವ ಮಾಡುತ ಹರ್ಷದಿ
ಬೋರ್ಗರೆಯುತ ಸಾಗಿದೆ,
ಕಾಡು-ಮೇಡು ಮಲೆಯ-ಮಾರುತ ಬಯಲಲಿ ಸಾಗಿದೆ
ಎಲ್ಲೂ ನಿಲ್ಲದೆ ,
ಕನಸಿನ ಕಡಲನು ಹುಡುಕುತ ಸಾಗಿದೆ
ಕಡಲಿನ ಒಡಲನು ಸೇರಲು ,
ಹರಿದ ದಾರಿಯ ತುಂಬೆಲ್ಲ ಭೂರಮೆಯ
ಹಸಿರು ಮಾಡಿದೆ
ಜೀವ ಸಂಕುಲಗಳಿಗೆ ಅಮ್ಬ್ರುತ ಉಣಿಸಿ
ಜೀವನ ನೀಡಿದೆ
ಬದುಕನು ನೀಡಿದೆ ಉಸಿರನು ನೀಡಿದೆ
ಕಡಲ ಓಡಲ ಸೇರುವ ತವಕದಿ
                                                               ಎಲ್ಲಿಯೂ ನಿಲ್ಲದೆ ನಿಂತ ನೀರಾಗದೆ

ಗೊತ್ತಿಲ್ಲ

ನನ್ನ ಕೆಂಪಾದ ಕಣ್ಣುಗಳ ಕಂಡರೆ

ಮುಗ್ದ ಅನಕ್ಷರಸ್ತ ಅಮ್ಮನಿಗೋ ದಿಗಿಲು

ಅಪ್ಪನದು ಮೌನದಲಿ ದೀನ ನೋಟ

ತಮ್ಮಂದರಿಗೆ ದೈರ್ಯವಿಲ್ಲ ಪ್ರಶ್ನೆ ಮಾಡಲು

ತಂಗಿಯೋ ಹಟಕ್ಕೆ ಬಿದ್ದವಳಂತೆ

ಜಾಸುಸಿ ನಡೆಸುತ್ತಾಳೆ ಬುದ್ದಿವಂತಳಂತೆ

ಸ್ನೇಹಿತರೋ ರಾತ್ರಿ ನಿದ್ರೆ ಇಲ್ವಾ ಅಂತಾರೆ

ಇವರೊಳಗಿನ ಒಂದೇ ಪ್ರಶ್ನೆ

ಇವನ ಕಣ್ಣೇಕೆ ಕೆಂಪಗೆ

ಇವ ಕುಡಿತಾನ ಕುಡಿಯೋಕೆ ರೊಕ್ಕ ಎಲೈತ್ರಿ

ಇವ ಬಿಕಾರಿ ಅದಾನ

ಕಂಡಿಲ್ಲ ಕೇಳಿಲ್ಲ ಅನ್ನೋ ಸಮಜಾಯಿಸಿ

ನನಗೂ ಗೊತ್ತು ನನ್ನ ಕಣ್ಣು ಕೆಂಪಾಗಿವೆ

ಆದರು ರಕ್ತ ಸೋರುವುದಿಲ್ಲ

ನನ್ನೊಬ್ಬನಿಗೆ ಮಾತ್ರ ಗೊತ್ತು

ನನ್ನ ಕೈ ಗಳಿಗೆ ಗೊತ್ತು

ನನ್ನ ಕರವಸ್ತ್ರ ಗಳಿಗೆ ಗೊತ್ತು
ನನ್ನ ತೋಳು ಗಳಿಗೆ ಗೊತ್ತು

                                                            ಅವಳ ನೆನೆಸಿ ಕೊಂಡಾಗ 

                                                            ನನ್ನ ಕಣ್ಣುಗಳು ಕೆಂಪಾಗುತ್ತವೆ ಎಂದು

                                                                 ಕಣ್ಣ ರಪ್ಪೆಗಳಿಗೂ ಗೊತ್ತು

                                                                 ಇದು ಅವಳಿಗಾಗಲಿ, ನನ್ನವರಿಗಾಗಲಿ

                                                                 ಗೊತ್ತಿಲ್ಲ...............